کراچی : ایئرپورٹ سیکورٹی فورس نے لاہور ایئر پورٹ پر کامیاب کارروائی کرتے ہوئے سعودی عرب ہیروئن اسمگلنگ کی کوشش ناکام بنادی۔
اے ایس ایف کے عملے نے لاہور سے ریاض جانے والے مسافر سے 2.198 کلو گرام ہیروئن برآمد کرکے اسے گرفتار کرلیا۔
مسافر طارق محمود نے ہیروئن ٹرالی بیگ کی تہہ میں مہارت سے چھپا رکھی تھی تاہم اے ایس ایف کے عملے نے سامان کی تلاشی کے دوران ہیروئن برآمد کر کے سمگلنگ کی کوششں ناکام بنا دی۔
ملزم کو ابتدائی تفتیش کے بعد برآمد شدہ ہیروئن سمیت مزید قانونی کارروائی کے لئے اے این ایف حکام کے حوالے کردیا گیا ہے۔
یاد رہے کہ اس سے قبل بھی لاہور کے علامہ اقبال ایئرپورٹ سے 9 کلو ہیروئن کی بیرون ملک اسمگلنگ کی کوشش ناکام بنادی گئی تھی۔
ترجمان اے ایس ایف کے مطابق تصور نامی مسافر غیر ملکی ایئرلائنز کی پرواز کے ذریعے میلان جارہا تھا۔
