ملتان(اسپورٹس رپورٹر)
پاکستان سپر لیگ (پی ایس ایل) کے آٹھویں ایڈیشن کے ساتویں میچ میں ملتان سلطانز نے اسلام آباد یونائیٹیڈ کو 52 رنز سے شکست دیدی۔ ملتان کرکٹ سٹیڈیم میں کھیلے جانیوالے ساتویں میچ میں اسلام آباد یونائیٹیڈ نے ہدف کے تعاقب میں رنز. 5 .17 اوورز میں 138 رنز بناکر آؤٹ ہو گئی ۔ دوسان 49 رنزبناکر عباس آفریدی کی گیند پر آؤٹ ہوئے کالن منرو 31 رنز بناکر اسامہ میر کی گیند پر کیچ آؤٹ ہوئے ۔ حسن نواز 21 رنز بناکر محمد الیاس کے ہاتھوں کیچ آؤٹ ہوئے ۔پاول سٹرلنگ محمد الیاس کی گیند پر کیچ آؤٹ ہوئے ۔ کپتان شاداب خان ایک رن بناکر اسامہ میر کی گیند پر کیچ آؤٹ ہوئے ۔ اعظم خان 16 رنز پر عباس آفریدی کے ہاتھوں آؤٹ ہوئے ۔ملتان سلطانز کی جانب سے عباس آفریدی نے 4 اسامہ میر ، محمد الیاس اور احسان الله نے 2، 2 وکٹیں حاصل کیں ۔
قبل ازیں کپتان محمد رضوان اور ڈیوڈ ملر کی ففٹی ملتان سلطانز نے اسلام آباد یونائیٹڈ کو 191 رنز کا ہدف دیا۔ اسلام آباد یونائیٹڈ کے کپتان شاداب خان نے ٹاس جیت کر پہلے فیلڈنگ کرنے کا فیصلہ کیا، تاہم سلطانز نے پہلے بیٹنگ کرتے ہوئے مقررہ 20 اوورز 4 وکٹوں کے نقصان پر 190 رنز سکور کیے۔سلطانز کی جانب سے اوپنر شان مسعود جلد وکٹ گنوا بیٹھے تاہم کپتان محمد رضوان اور رائلی روسو نے 91 رنز کی پارٹنرشپ قائم کرکے ٹیم کی پوزیشن مستحکم کردی، رضوان 38 گیندوں پر 50 رنز بناکر آؤٹ ہوئے جبکہ روسو 36 رنز بناکر نمایاں رہے۔ چوتھی وکٹ کی شراکت میں ڈیوڈ ملر اور کیرون پولارڈ نے 78 رنز کی پارٹنرشپ قائم کی تاہم ملر 52 رنز بناکر فہیم اشرف کا شکار بنے، دیگر کھلاڑیوں میں پولارڈ 32 جبکہ خوشدل شاہ 3 رنز بناکر نمایاں رہے۔اسلام آباد یونائیٹڈ کی جانب سے ٹام کرن، فہیم اشرف، شاداب خان اور رومان رئیس نے ایک ایک وکٹ حاصل کی۔
