کولمبو(اسپورٹس ڈیسک )
ایشیا کپ سپر فور مرحلے میں بھارت نے پاکستان کو 228 رن کے بڑے مارجن سے ہرا دیا، 356 رن کے جواب میں پاکستانی بیٹرز 128رن ہی بنا سکے، رنز کے اعتبار سے ون ڈے کرکٹ میں یہ پاکستان کی دوسری بدترین شکست 
ہے۔
کولمبو میں کھیلے گئے اس میچ میں ہدف کے تعاقب میں قومی ٹیم کے اوپنر امام الحق 9 رنز بنا کر جسپریت بمراہ کی گیند پر کیچ آؤٹ ہ
کپتان بابر اعظم 10 رنز بنانے کے بعد 43 کے مجموعے پر ہاردیک پانڈیا کی گیند پر بولڈ ہوگئ
پاکستان ٹیم نے 11 اوورز میں 2 وکٹوں کے نقصان پر 44 رنز بنالیے۔ اس موقع پر بارش کے باعث میچ روکا گیا تھا، لیکن میچ بارش رکنے کے بعد دوبارہ شروع ہوا تو تین رنز کے اضافے کے بعد محمد رضوان 2 رنز بنا کر شردل ٹھاکر کی گیند پر آؤٹ ہوگئے۔ تیس رنز کی پارٹنرشپ کے بعد 77 کے مجموعے پر فخر زمان بھی دم توڑ گئے۔ انہیں کلدیپ یادیو نے بولڈ کیا۔ فخر نے 50 گیندوں پر 27 رنز بنائے۔
میچ میں چہرے پر گیند لگ کر زخمی ہونے والے سلمان علی آغا 32 گیندوں پر 23 رنز بنانے کے بعد 96 کے مجموعے پر کلدیپ یادیو کی گیند پر ایل بی ڈبلیو آؤٹ ہوگئے۔ شاداب خان بھی کلدیپ یادیو کی گیندوں کو نہ سمجھ سکے اور چھکا لگانے کی کوشش میں انکی گیند پر باؤنڈری پر کیچ دے بیٹھے۔ شاداب نے 10 گیندوں پر 6 رنز 
بنائے۔ پاکستان کو ساتواں نقصان افتخار احمد کی صورت میں اٹھانا پڑا جب کلدیپ یادیو کی ہی گیند پر انہیں کیچ دے بیٹھے۔ پاکستان کی آٹھویں اور آخری وکٹ فہیم اشرف کی صورت میں گری، انہیں بھی کلدیپ یادیو نے آؤٹ کیا۔نسیم شاہ اور حارث رؤف انجری کے باعث بیٹنگ کے لیے نہ آئے۔بھارتی اسپنر کلدیپ یادیو نے صرف 25 رنز دے کر 5 کھلاڑیوں کو آؤٹ کیا۔ ہادیک پانڈیا، جسپریت بمراہ اور شردل ٹھاکر نے ایک ایک وکٹ لی۔ کولمبو 
میں بارش کی وجہ سے ریزرو ڈے پر جانے والے ایشیا کپ سپر فور میچ آج دوبارہ پاکستانی وقت کے مطابق 4 بج کر 10 منٹ پر شروع ہوا۔وکٹ پر موجود ویرات کوہلی اور کے ایل راہول نے پہلے محتاط انداز اپنایا اور پھر جارحانہ کھیل شروع کیا۔ کے ایل راہول نے 100 گیندوں پر اپنی سنچری مکمل کی جبکہ ویرات کوہلی نے 84 گیندوں پر اپنی سنچری بنائی۔
پاکستانی بولرز بھارت بلے باز کے ایل راہول اور ویرات کوہلی کو آؤٹ کرنے میں ناکام رہے۔ یوں بھارت نے مقررہ 50 اوورز میں 2 وکٹوں کے نقصان پر 356 رنز بنائے۔واضح رہے کہ گزشتہ روز ایشیا کپ کے سُپر فور مرحلے میں پاکستان اور بھارت کے اہم میچ کو مسلسل بارش اور گراؤنڈ فیلڈ خراب ہونے کی وجہ سے معطل کر کے ریزرو ڈے پر منتقل کر دیا گیا تھا۔
