سندھ کے کچے کے علاقوں میں گرینڈ پولیس آپریشن کی تفصیلات جاری

کراچی (نمائندہ خصوصی) سندھ کے کچے کے علاقوں میں گرینڈ پولیس آپریشن کی تفصیلات جاری کر دی گئیں۔اس حوالے سے آئی جی سندھ غلام نبی میمن نے کہا کہ رواں سال کے 3 ماہ میں مختلف آپریشنز کیے گئے، کچے کے ڈاکوں کے ساتھ 189 پولیس مقابلے ہوئے۔انہوں نے کہا کہ پولیس مقابلوں میں 19 ڈاکو ہلاک کیے گئے، مجموعی طور پر رواں سال 208 ڈاکو گرفتار ہوئے۔آئی جی سندھ نے کہا کہ گھوٹکی میں کچے کے ڈاکوں سے 63 مقابلے ہوئے، سکھر میں53، کشمور میں 42 اور شکار پور میں 31 پولیس مقابلے ہوئے۔آئی جی سندھ غلام نبی میمن نے کہا کہ ڈاکووں کے قبضے سے بھاری ہتھیار بھی ملے ہیں۔