گھوٹکی (نمائندہ خصوصی)گھوٹکی میں تھانہ گیمبڑو کی حدود میں واقعہ پولیس چوکی پر ایک درجن سے زائد ڈاکوﺅں نے حملہ کر کے دو پولیس اہلکاروں کو شہید اور ایک کو زخمی کردیا اور پھر فرار ہوگئے۔پولیس کے مطابق گھوٹکی کے نواحی علاقے تھانہ گیمبڑو کی چوکی پنج میل پر رات کی تاریکی میں ڈاکوں کے ایک گروہ نے حملہ کردیا اور فائرنگ سے دو پولیس اہلکاروں علی گوہر دایو اور اشوک کمار کو شہید کردیا جبکہ ایک اہلکار عزیز میرانی فائرنگ سے زخمی ہوگیا جسے ہسپتال منتقل کردیا گیا ہے۔ڈی آئی جی سکھر جاوید جسکانی نے واقعہ کی تصدیق کرتے ہوئے بتایا کہ ڈاکوں کا تعاقب جاری ہے ، زخمی سپاہی کا کہنا ہے کہ ان کے حوصلے بلند ہیں۔
