کراچی(نمائندہ خصوصی) رمضان المبارک کے دوران کراچی میں شوگر مافیا نے چینی کی قیمت میں تین روز کے دوران 5روپے کلو اضافہ کردیا۔ہول سیل میں چینی 120 روپے اور بازار میں 125روپے کلو ہوگئی، شہریوں کے مطابق رمضان میں شربت اور چائے سے بھی گئے۔چینی کی قیمت میں مسلسل اضافہ روپیہ روپیہ کرکے قیمت 125 روپے کلو پر پہنچا دی ہے۔ شہری کہتے ہیں کہ اب بغیر شربت کے روزہ افطار ہوگا۔ریٹیلرزکے مطابق چینی افغانستان جارہی ہے اس لئے یہاں دام بڑھ رہے ہیں جبکہ ہول سیلرز بھی قیمت میں اضافے سے انجان نکلے کہتے ہیں کہ معلوم نہیں کیوں قیمت بڑھ رہی ہے۔
