گھوٹکی (نمائندہ خصوصی)گھوٹکی کے قریب پولیس اور ڈاکووں کے درمیان مقابلہ میں2 بدنام زمانہ ڈاکو ہلاک ،اسلحہ برآمد کرلیا گیا تاہم ڈاکووں کے 2 ساتھی فرار ہونے میں کامیاب ہوگئے ۔تفصیلات کے مطابق کھمبڑا پولیس گڈو لنک روڈ پر معمول کا گشت کر رہی تھی کہ گشت کے دوران ڈاکووں نے پولیس پر فائرنگ کر دی ،پولیس کی جوابی فائرنگ کے نتیجے میں 2 ڈاکو ہلاک ہو گئے ۔ہلاک ہونے والے ڈاکووں کی شناخت علی حسن اور یاسر عرف صدام جاگیرانی کے نام سے ہوئی ہے ۔مرنے والے ڈاکو سندھ اور پنجاب پولیس کو درجنوں ڈکیتی اغواء برائے تاوان جیسے سنگین مقدمات میں مطلوب تھے جبکہ ڈاکووں کے دو ساتھی فرار ہوگئے ہیں پولیس مقابلے میں مرنے والے ڈاکووں کی لاشوں کو اوباڑو ہسپتال منتقل کر کے انکی لاشوں کو مردہ خانے میں رکھا گیا ۔ مرنے والے ڈاکووں سے 2 پسٹل بھی برآمد کئے گئے جبکہ ڈاکووں کے دو ساتھی فرار ہونے میں کامیاب ہو گئے ،فرار ہونے والے ڈاکووں کی گرفتاری کیلئے پولیس نے علاقے میں سرچ آپریشن شروع کردیا ہے ۔
