کوئٹہ (نمائندہ خصوصی ) چمن میں زلزلے کے باعث مکان کی چھت گر نے سے ملبے تلے دب کر 3 بچے جاں بحق خواتین سمیت 5بچے زخمی ہوگئے ۔تفصیلات کے مطابق گزشتہ شب چمن میں زلزلے کے جھٹکے محسوس کئے گئے، جس کی شدت ریکٹر سکیل پر3.6ریکارڈ کی گئی۔زلزلے کے نتیجے میں مکان کی چھت گر نے سے پلوشہ، آمینہ اور سجاول خان نا می بچے ملبے تلے دب کرجاں بحق جبکہ خاتون سمیت5بچے زخمی بھی ہوگئے۔ریسکیو حکام نے لاشوں اور زخمیوں کوفوری طوپر اسپتال منتقل کر دیا جہاں ضروری کارروائی کے بعد لاشیں ورثاءکے حوالے کر دی گئیں جبکہ تین زخمیوں کو ابتدائی طبی امداد فراہم کر نے کے بعد مزید علاج و معالجے کے لئے کوئٹہ منتقل کر دیا گیا ۔
