کراچی(نمائندہ خصوصی) نوابشاہ ایئرپورٹ پر 2 ماہ کیلئے فلائٹ آپریشن بند کردیا گیاہے۔سول ایوی ایشن اتھارٹی(سی اے اے)کے اعلامیہ کے مطابق 23 مئی تک نوابشاہ ایئرپورٹ فلائٹ آپریشن کیلئے بند رہے گا۔سول ایوی ایشن اتھارٹی کی جانب سے جاری نوٹم میں کہا گیا ہے کہ نوابشاہ ایئرپورٹ پر فلائٹ آپریشن جیوٹیکنکل اسٹڈی کے باعث بند رکھنے کا فیصلہ کیا گیا۔نوٹم کے مطابق 23مئی تک نوابشاہ ایئرپورٹ پر صرف ہیلی کاپٹر ٹیک آف لینڈ کرسکیں گے، ہیلی کاپٹرز کو دن کی روشنی میں ٹیک آف اور لینڈنگ کی اجازت ہوگی۔
