واشنگٹن( نمائندہ خصوصی ):امریکی کانگریس کی تاریخ میں پہلی بار 23 مارچ کو یوم پاکستان منانے کی قرارداد پیش کی گئی، رکن کانگریس جمال بومین نے قرارداد ایوان میں پیش کی۔تفصیلات کے مطابق امریکی ایوان نمایندگان میں پاکستان پر تاریخی قرارداد متعارف کرادی گئی، امریکی کانگریس کی تاریخ میں پہلی بار 23 مارچ کو یوم پاکستان منانے کی قرارداد پیش کی گئی۔قراداد نیویارک سے منتخب امریکی نمایندے گان رکن کانگریس جمال بومین نےایوان میں پیش کی ، جس میں جمال باومین نے 23 مارچ کو یوم پاکستان قرار دینے کی درخواست کی۔قرارداد میں کہا گیا کہ امریکہ کے لیے یہ مناسب اور مطلوب ہے کہ وہ ان لوگوں کو تسلیم کرے اور انہیں خراج تحسین پیش کرے جو نسلی تفاخر کو فروغ دیتے ہیں اور ثقافتی تنوع کے پروفائل کو بڑھاتے ہیں جس سے ریاستہائے متحدہ کی کمیونٹیز کے تانے بانے کو تقویت ملتی ہےامریکی رکن کانگریس کا کہنا تھا کہ امریکا میں مقیم پاکستانی ملک کی تعمیر ترقی میں اہم کردار ادا کرر ہے ہیں۔بعد ازاں امریکہ میں پاکستان کے سفیر مسعود خان نے کانگریس رکن جمال بومین کا اس اقدام پر شکریہ ادا کرتے ہوئے کہا اس سے نہ صرف دونوں ممالک کے باہمی تعلقات کو مزید مضبوط بنانے میں مدد ملے گی بلکہ دونوں ممالک کے عوام کو ایک دوسرے کے قریب لانے میں بھی مدد ملے گی۔
