کراچی ( نمائندہ خصوصی)وزیراعظم شہبازشریف (آج)بدھ22مارچ کو سندھ کے ایک روزہ دورے پرتھرپارکرپہنچیں گے،پاکستان پیپلزپارٹی کے چیئرمین ،وزیر خارجہ بلاول بھٹو زرداری، وزیراعلیٰ سندھ سید مراد علی شاہ، وفاقی وزیر برائے توانائی خرم دستگیر اور چین کے سفیر،وزیرتوانائی سندھ امتیازشیخ کے ہمراہ اسلام کوٹ تھرپارکرمیں 1320میگاواٹ اور 330میگاواٹ کے توانائی کے منصوبوں کا افتتاح کریں گے۔اس موقع پرافتتاحی تقریب میں ملکی و غیرملکی مہمانوں کے علاوہ تاجررہنما اورسیاسی شخصیات بھی شریک ہونگی۔وزیراعظم تھرپارکرمیں توانائی منصوبوں کے علاوہ ترقیاتی پیکیج اورتھرکوپینے کا میٹھاپانی فراہم کرنے کے منصوبوں سمیت دیگرامورکا بھی جائزہ لیں گے۔
