اسلام آباد (نمائندہ خصوصی )وفاقی وزیر برائے تخفیف غربت و سماجی تحفظ اور چیئر پرسن بینظیر انکم سپورٹ پروگرام شازیہ مری نے کہا ہے کہ پاکستان میں خواتین ہر شعبے میں مردوں کے شانہ بشانہ کھڑی ہیں۔اپنے پیغام میں انہوں نے کہا کہ اس دن کے منانے کا مقصد خواتین کی سماجی، سیاسی اور اقتصادی مسائل اجاگر کرنا ہے۔حصول حق کی جنگ لڑنے والی خواتین کو خراج تحسین پیش کرتی ہوں۔ شہید محترمہ بینظیر بھٹو نے ملک میں جمہوریت اور آئین کی بالادستی کیلئے عظیم قربانیاں دیں،خواتین کی شمولیت کے بغیر کوئی بھی معاشرہ ترقی کی راہ پر گامزن نہیں ہوسکتا،پاکستان میں خواتین ہر شعبے میں مردوں کے شانہ بشانہ کھڑی ہیں،پاکستانی عورت بے شمار مسائل سے دوچار ہے، خواتین کو باوقار مقام اور روزگار کے مواقع فراہم کرنا ہماری اولین ترجیح ہے، بینظیر کفالت کے تحت مستحق خواتین کو معاشی طور پر بااختیار بنا رہے ہیں، بینظیر تعلیمی وظائف سے مستحق خواتین کے بچے اور بچیاں تعلیم حاصل کر رہے ہیں ،ہم نے خواتین کیخلاف صنفی امتیاز اور تشدد کے واقعات کے روک تھام کیلئے اقدامات اٹھائے ہیں۔
