لاہور( نمائندہ خصوصی) بھارتی جاسوس کلبھوشن کی گرفتاری کو 7 سال مکمل ہو گئے۔سدھیر اور حسین مبارک پٹیل کے نام سے کلبھوشن پاکستان میں دہشتگری کا نیٹ ورک چلا رہا تھا۔3 مارچ 2016 کو پاکستانی ایجنسیوں نے چمن کے علاقے ماشخیل سے کلبھوشن کو گرفتار کیا تھا۔53سالہ کلبھوشن بھارتی نیوی کا کمانڈر رینک کا حاضر سروس افسر تھا، جو 2003 سے بھارتی ایجنسی را کے لیے پاکستان میں دہشت گردانہ کارروائیوں میں ملوث تھا۔پاکستانی ایجنسیوں نے 9 سال کی کوششوں کے بعد کلبھوشن کو کامیابی سے ٹریپ کیا تھا۔کلبھوشن نے اپنے بیان میں را کی طرف سے پاکستان میں دہشت گردی کا اعتراف کیا۔پاکستان نے کلبھوشن اور را کی پاکستان میں دہشت گردانہ کارروائیوں پر مبنی ڈوزیئر اقوامِ متحدہ میں دیا ۔بھارت نے کلبھوشن کو بھارتی شہری تسلیم کرنے سے انکار کر دیا تھا تاہم 10 اپریل 2017 کو پاکستان میں کلبھوشن کی سزائے موت کے اعلان پر بھارت میں کھلبلی مچ گئی تھی۔بھارت کا کلبھوشن کا مقدمہ لڑنا اس کی طرف سے پاکستان میں دہشت گردانہ کارروائیوں کا اعتراف ہے۔بھارتی حاضر سروس انٹیلی جنس افسر کی پاکستان میں گرفتاری یہاں را کے دہشت گردی کرانے کا ثبوت ہے۔
