ابوظہبی (نمائندہ خصوصی ) آرمی چیف جنرل عاصم منیر نے متحدہ عرب امارات کے صدر شیخ محمد بن زاید آل نہیان سے ملاقات کی ہے۔ اماراتی میڈیا کے مطابق متحدہ عرب امارات کے صدر نے ابوظہبی کے قصر المشرف میں جنرل عاصم منیر کی میزبانی کی، ملاقات کے دوران تعلقات کو مزید گہرا کرنے اور دفاعی امور میں مزید تعاون کی کوششوں کا جائزہ لیا گیا۔ جنرل عاصم منیر نے شیخ محمد سے ان کی ساس شیخہ مریم الفلاسی کے انتقال پر تعزیت کی، انہوں نے صدر عارف علوی اور وزیر اعظم شہباز شریف کی جانب سے تعزیتی پیغام پہنچایا، ملاقات میں دونوں ممالک کے کئی اعلیٰ حکام نے بھی شرکت کی۔
