کراچی(نمائندہ خصوصی) کراچی میں ڈینگی وائرس کے پھیلاو میں اضافہ ہو رہا ہے، سندھ میں ڈینگی سے ہونے والی 38 اموات میں سے 36 کراچی میں ہوئیں۔تفصیلات کے مطابق شہر قائد میں ڈینگی وائرس کا پھیلا جاری ہے، گزشتہ 24 گھنٹے میں شہر میں ڈینگی کے 241 نئے کیسز سامنے آگئے۔محکمہ صحت کا کہنا ہے کہ ضلع شرقی میں 66 ڈینگی کیسز رپورٹ ہوئے، ضلع وسطی میں 55، ضلع جنوبی میں 36، ضلع کورنگی میں 33، ضلع ملیر میں 28، ضلع کیماڑی میں 13 اور ضلع غربی میں 10 ڈینگی کیسز رپورٹ ہوئے۔محکمہ صحت نے بتایا کہ رواں سال صوبہ سندھ میں ڈینگی سے اموات کی تعداد 38 ہوگئی ہے جن میں سے 36 کا تعلق کراچی سے ہے۔
