کراچی(اسٹاف رپورٹر) پاکستان کے سب سے بڑے روشنیوں کے شہر کراچی میں ملک کے ممتاز سرمایہ کار عارف حبیب کے خوابوں کی تعبیر اور جدید ترین رہائشی منصوبے نیا ناظم آباد میں میوزیکل نائٹ کا اہتمام کیا گیا۔اس میوزیکل شو کا انتظام نیاناظم آباد جیم خانہ انتظامیہ نے کیا تھا۔ میوزک نائٹ میں مشہور گلوکار علی ظفر، فلک شبیر،رافع اسرار،وجہیہ فاروقی،عروج فاطمہ اورنئی نسل کے پسندیدہ دیگر گلوکاروں نے اپنے فن کا مظاہرہ کیا۔واضح رہے کہ نیا ناظم آباد میں بہترین کرکٹ، فٹبال اسٹیڈیم،باسکٹ بال کورٹ اور دیگر کھیلوں کیلئے سہولیات موجود ہیں،کرکٹ اسٹیڈیم میں نائٹ کرکٹ میچز بھی نوجوانوں کیلئے دلچسپی کا باعث ہیں۔ میونیکل شو میں سنگیت کی دنیا میں شہرت حاصل کرنے والے پاکستانی گلوکاروں کو اپنے درمیان دیکھ کر نیا ناظم آباد جیم خانہ میں نوجوانوں اور بالخصوص فیملیز کی بڑی تعداد بہت پرجوش تھی اور انہوں نے اپنے درمیان پرفارم کرنے والے گلوکاروں کا والہانہ استقبال کیا گیا۔ گلوکاروں نے نوجوانوں کی پسند کے مطابق پشتو، پنجابی، بلوچی، سندھی اورقومی زبان زبانوں میں مشہور گانے اورلوک گیت پیش کیے جنہیں سننے والوں نے بے حد پسند کیا اوراپنے پسندیدہ گلوکاروں کو ان کی شاندار پرفارمنس پر زبردست داد دی۔میوزیکل نائٹ میں شریک افراد کا کہنا تھا کہ نیا ناظم آباد جیم خانہ کی انتظامیہ نے ثابت کر دکھایا کہ وہ شہر کی ثقافتی سرگرمیوں اور شہر قائد میں پرسکون اور تفریحی ماحول کی فراہمی اور پروگراموں کے انعقاد میں اپنامثبت اور بھرپور کردار ادا کر رہا ہے جو ہر لحاظ سے قابل ستائش اور قابل فخر ہے۔
