اسلام آباد( نمائندہ خصوصی )اے پی سی میں شرکت کی باقاعدہ دعوت نہ دینے پر تحریک انصاف کے الزام پر وفاقی وزیر سر دار ایاز صادق نے کہا ہے کہ پرویز خٹک،اسد قیصر اور اعجاز شاہ کو ملاقات اور رابطوں پر اے پی سی میں شرکت کی دعوت دی۔میڈیا سے غیر رسمی گفتگو کرتے ہوئے کہاکہ پرویز خٹک،اسد قیصر اور اعجاز شاہ کو ملاقات اور رابطوں پر اے پی سی میں شرکت کی دعوت دی،ان سے کہا کہ وہ یہ دعوت نامہ عمران خان تک بھی پہنچا دیں۔وفاقی وزیر نے کہاکہ کسی کو بھی لکھ کر دعوت نامہ نہیں بھجوایا فون کیے یا ملاقات کرکے دعوت دی۔انہوںنے کہاکہ سابق سپیکر اسد قیصر رویوں کی بات نہ کریں تو اچھا ہے۔انہوںنے کہاکہ تحریک انصاف نے مسلم لیگ (ن )اور پیپلز پارٹی کے ساتھ ایف آئی اے اور نیب کے ذریعے کیا کچھ نہیں کیا۔وفاقی وزیر نے کہاکہ اس وقت ملک کو یک جہتی کی ضرورت ہے جس کےلئے عمران خان تیار نہیں۔
