اسلام آباد ( نمائندہ خصوصی )وزیراعظم محمد شہباز شریف اور متحدہ عرب امارات کے صدر شیخ محمد بن زید النہیان کے درمیان ملاقات میں دونوں ممالک کے درمیان برادرانہ تعلقات کو مزید فروغ دینے کے عزم کا اظہار کیا ہے ۔وزیراعظم آفس سے جاری اعلامیہ کے مطابق متحدہ عرب امارات کے صدر شیخ محمد بن زید النہیان پاکستان کے نجی دورے پر رحیم یار خان پہنچے، ائیرپورٹ پر وزیراعظم محمد شہباز شریف نے ان کا استقبال کیا۔ اس موقع پر وزیر اطلاعات و نشریات محترمہ مریم اورنگزیب، نگراں وزیراعلیٰ پنجاب سید محسن رضا نقوی اور وزیراعظم کے معاونین خصوصی سید طارق فاطمی، عطاءاللہ تارڑ بھی موجود تھے۔ ائیرپورٹ پر ملاقات کے دوران دونوں رہنماو¿ں نے دونوں ممالک کے درمیان برادرانہ تعلقات کو مزید فروغ دینے کے عزم کا اظہار کیا۔ وزیراعظم نے متحدہ عرب امارات کے اپنے حالیہ دورہ کا ذکر کرتے ہوئے اس بات پر زور دیا کہ دونوں ممالک 
متحدہ عرب امارات کے دورے کے دوران دونوں رہنماو¿ں کے درمیان مختلف شعبوں میں طے پانے والے مفاہمت کے حوالے سے بھرپور کام کیا جائے گا۔ یو اے ای کے صدر شیخ محمد بن زاید النہیان نے کہا کہ دونوں ممالک کے درمیان برادرانہ تعلقات کئی دہائیوں پر محیط ہیں. انہوں نے کہا کہ ا ان کے والد جو کہ پاکستان اور اس کے عوام سے بے پناہ محبت رکھتے تھے. انہوں نے مزید کہا کہ وہ پاکستان کو اپنا دوسرا گھر سمجھتے ہیں. انہوں نے وزیراعظم کو یقین دلایا کہ متحدہ عرب امارات ہمیشہ پاکستان کے ساتھ کھڑا رہے گا۔ذرائع کے مطابق وزیراعظم اور اماراتی صدر کی ملاقات برادرانہ ماحول میں ہوئی، شیخ محمد بن زاید نے وزیراعظم شہباز شریف سے بڑی والہانہ محبت کا اظہارکیا اور وزیراعظم کا ہاتھ تھامے اپنے جہاز میں لے گئے۔ذرائع نے بتایا کہ صدر یو اے ای نے وزیراعظم کو پاکستان میں بڑی سرمایہ کاری کرنےکا بھی عندیہ دیا، آپ تیاری کریں، یو اے ای پاکستان میں بڑی سرمایہ کاری کرےگا۔ذرائع کے مطابق یو اے ای کے صدر نے وزیراعظم کی اپنے اہل خانہ اور بچوں سے بھی ملاقات کرائی، وزیراعظم نے یو اے ای کے صدر کے بچوں سے عربی اور انگریزی میں گفتگو کی۔
آپ تیاری کریں، پاکستان میں بڑی سرمایہ کاری کرینگے، صدر یو اے ای کا وزیراعظم کو عندیہ وزیر اعظم اور متحدہ عرب امارات کے صدر کی ملاقات ،برادرانہ تعلقات کو مزید فروغ دینے کے عزم کا اظہار پاکستان کو اپنا دوسرا گھر سمجھتے ہیں، ، صدر متحدہ عرب امارات شیخ محمد بن زاید کا وزیراعظم شہباز شریف سے بڑی والہانہ محبت کا اظہارکیا ،
جواب دیں
ہماری ویب سائٹ پر تازہ ترین خبریں حاصل کریں۔
