کراچی( بیورو رپورٹ )
ایف آئی اے امیگریشن کی کراچی ائیرپورٹ پر کارروائی۔جعلی بورڈنگ پاس اور بغیر امیگریشن کروائے کینیڈا جانے کی کوشش کرنےوالا مسافر گرفتار کر لیا۔ملزم رحمت اللہ اسٹڈی ویزے پر کینیڈا جانے کی کوشش کر رہا تھا۔ بورڈنگ گیٹ پر کراس چیکنگ کے دوران ملزم کے قبضے سے جعلی بورڈنگ پاس برآمد کر لیا گیا۔سفری دستاویزات کی مزید جانچ پڑتال پر کینیڈا کااسٹڈی پرمٹ اور الیکٹرانک ٹریول اجازت نامہ بھی جعلی نکلا۔ملزم رحمت اللہ کے جعلی بورڈنگ پاس پر چسپاں ایگزٹ اسٹیمپ بھی جعلی نکلی۔دوران تفتیش ملزم کی نشاندہی پر ملزم کے بھائی کو ایئرپورٹ کے انٹرنیشنل ڈیپارچر لاؤنج سے گرفتار کر لیا گیا۔امیگریشن حکام کی جانب سے مزید پوچھ گچھ اور موبائل فون کی تلاشی پر افغانی پاسپورٹ کی تصاویر اور ملزم کے شناختی کارڈ برآمد کر لیا گیا۔گرفتار دونوں ملزمان کو مزید قانونی کارروائی کے لیے ایف آئی اے اینٹی ہیومن ٹریفیکنگ سرکل کراچی کے حوالے کر دیا گیا۔
