کراچی (بیورو رپورٹ ) سینٹ پیٹر کیتھولک چرچ اختر کالونی کراچی میں قائد عوام شہید ذوالفقار علی بھٹو کی 95 ویں سالگرہ تقریب منقعد کی گئی ۔تقریب میں صوبائی وزیر اقلیتی امور گیانچند ایسرانی، ایم پی ای نوید اینتھونی، پارٹی ورکر اور مسیحی برادری کی جانب سے شہید ذوالفقار علی بھٹو کی 95 ویں سالگرہ کا کیک کاٹا گیا۔
اس موقع پہ صوبائی وزیر گیانچند ایسرانی کا کہنا تھا کہ شہید عوام ذوالفقار علی بھٹو ایک عظیم رہنما تھے۔ اور جیالے اپنے عظیم لیڈر پہ فخر محسوس کرتے ہیں ۔ انہوں نے کہا کہ قائد عوام شہید ذوالفقار علی بھٹو نے عوام کو سوچنے کے لیے شعور، بولنے کے لیے زبان اور عزت سے سر اٹھاکے جینے کا سلیقہ سکھایا۔ قائد عوام شہید ذوالفقار علی بھٹو نے مسلم دنیا کی بھی رہنمائی کی- وہ فلسطین کے مسلمانوں کی آزادی کی جدوجہد کے بھی روح رواں تھے۔
