کراچی(نمائندہ خصوصی) گورنر سندھ کامران خان ٹیسوری نے کہاہے کہ کراچی سب کا ہے اسکو دوبارہ روشنیوں کا شہر بنانے کے لئے موثر اقدامات کررہے ہیں،وفاق کے تعاون سے سندھ بھر میں ترقیاتی منصوبوں پر کام جاری ہیں اور بلا تفریق سب سے مل جل کر خدمت کے مشن کو جاری رکھیں گے ۔ان خیالات کا اظہار انہوں نے اپنے اعزاز میں پاکستان مسلم لیگ (ق)کے صوبائی صدر و وزیراعلی سندھ کے معاون خصوصی برائے محکمہ آرکائیوز محمد طارق حسن کی جانب سے انکی رہائش گاہ پر عشائیہ میں کیا جس میں گورنر گلگت بلتستان سید مہدی شاہ،وزیر بلدیات ناصر حسین شاہ نے خصوصی طور پر شرکت کی ۔اس موقع پر ناصر حسین شاہ نے گورنر گلگت بلتستان کو اجرک کا تحفہ پیش کیا جبکہ محمد طارق حسن نے مہمانوں کو تحائف اور پھولوں کے گلدستے دئیے اور انکی آمد کا شکریہ ادا کیا ۔اس موقع پر پاکستان مسلم لیگ (ق)کے سینئر نائب صدر نعمت خان خلجی،صوبائی سیکرٹیری اطلاعات محمد صادق شیخ،کراچی کے صدر محمد جمیل احمد خان،چوہدری مظہر اقبال،عبد الرحمان خانزادہ،عبد القیوم خان،سید سفیر شاہ. قیص منصور شیخ اور دیگر بھی موجود تھے۔
