کراچی (کورٹ رپورٹر ) سندھ ہائیکورٹ نے وفاقی حکومت کے سپر ٹیکس پر عمل درآمد موخرکر دیا۔عدالت نے زائد آمدن والوں پر وفاقی حکومت کے سپر ٹیکس کے نفاذ کے خلاف 100 سے زائد درخواستوں پر فیصلہ سنا دیا۔عدالت نے کہا کہ انکم ٹیکس آرڈیننس 2001 کی سیکشن 4 سی کا اطلاق 2023 سے ہوگا۔ سندھ ہائیکورٹ کا کہنا تھا کہ انکم ٹیکس آرڈیننس 2001 کے فرسٹ شیڈول، پارٹ ون کی ڈویژن ٹو بی کی پہلی شق خلاف آئین ہے۔عدالت نے کہا کہ عدالتی فیصلے پر عمل درآمد 2 ماہ کے لیے معطل رہے گا، عبوری حکم کے تحت جمع کرائی گئی سیکیورٹی مثر رہے گی۔فیصلے کے مطابق فنانس ایکٹ 2022 کی شقوں کی آئینی حیثیت کو چیلنج کیا تھا۔عدالت نے کہا کہ درخواستوں پر مختصر فیصلہ سنایا گیا ہے، تفصیلی فیصلہ اور وجوہات بعد میں جاری کی جائیں گی۔سندھ ہائیکورٹ میں دائر کردہ درخواست میں موقف اختیار کیا گیا کہ وفاقی حکومت نے فنانس ایکٹ 2022 میں ماضی میں کیے کاروبار پر بھی ٹیکس لگا دیا تھا۔
