کراچی(نمائندہ خصوصی) پیپلز پارٹی نے بے جے پی اور مودی سرکار کیجانب سے پاکستان اور وزیر خارجہ بلاول بھٹو زرداری کے متعلق پروپیگنڈا کے خلاف کل اتوار کو بلاول بھٹو زرداری سے اظہار یکجھتی کے لئے ملک بھر کی طرح سندھ کے تمام ضلعی ہیڈکوارٹرز میں ریلیوں اور مظاہروں کا اعلان کردیا ہے۔ یہ اعلان پی پی پی سندھ کے صدر نے اپنے پالیسی بیان میں کیا۔ انہوں نے کہا کے پیپلز پارٹی کل اتوار کو سندھ کے ہر ضلعے میں مودی سرکار اور بے جے پی کیجانب سے پاکستان اور وزیر خارجہ کے متعلق پروپیگنڈا کے خلاف احتجاج کرے گی۔ہم ریلیاں اور مظاہرے نکال کر چیئرمین پیپلز پارٹی اور وزیر خارجہ بلاول بھٹو زرداری سے یکجھتی کا اظہار کرینگے۔ انہوں نے کہا کے گاندھی کو قتل کرنے والے کو ہیرو ماننے والے اور کشمیر میں بربریت اور ظلم ڈھانے والی مودی سرکار کی پاکستان کے خلاف پروپیگنڈا کا منہ توڑ جواب دیا جائے گا اس لئے بی جے پی اور مودی سرکار وزیر خارجہ کے خلاف پروپیگنڈا بند کرے۔ انہوں نے کہا کے بلاول بھٹو زرداری نے اقوام متحدہ میں مودی سرکار کو حقیقت پر مبنی آئینہ دکھایا ہے جس وجہ سے مودی سرکار کی چیخیں نکل گئی ہیں۔ نثار کھوڑو نے کہا کے بے جے پی اور مودی سرکار کیجانب سے پاکستان اور بلاول بھٹو زرداری کے متعلق پروپیگنڈا کو کسی صورت برداشت نہیں کیا جائے گا۔۔انہوں نے کہا کے بلاول بھٹو سے معافی کا مطالبہ کرنے والی بے جے پی کو بتانا چاہتے ہیں کے بھارت میں دہشتگردوں کو معافی دینے اور کشمیر میں مسلمانوں کا قتل عام کرنے والی مودی سرکار اقوام متحدہ کے پلیٹ فارم سے معافی مانگے اور اپنی بربریت کا جواب دے۔
