کمشنر کراچی محمد اقبال میمن نے کیبلز آپریٹرز کے مسائل حل کرنے کے لئے کمیٹی تشکیل دے دی
شہریوں کے حقوق متاثر ہونگے تو انتظامیہ تحرک میں آئے گی۔ کمشنر کراچی
کیبلز تاریں کاٹنے سے انٹرنیٹ کی سروس معطل ہوجاتی ہے ۔ کمشنر کراچی
کووڈ 19 کے بعد زیادہ تر کاروبار زندگی آن لائن منتقل ہو چکا ہے محمد اقبال میمن
تدریسی عمل، دفاتر کے کام، تجارتی سرگرمیاں آن لائن ہو رہی ہیں۔ کمشنر کراچی
کراچی (نمائندہ خصوصی ) کمشنر کراچی محمد اقبال میمن نے کیبلز آپریٹرز اور کے الیکٹرک کا مسئلہ حل کرنے کے لیے کمیٹی تشکیل دے دی۔ کمیٹی ضلعی سطح پر آپریٹ کرے گی۔ کمیٹی میں ضلعی انتظامیہ، پولیس، کے الیکٹرک، کیبلز آپریٹرز، ٹیلی کام کمپنیز کے نمائندے شامل۔ کمیٹی کیبلز کی بنچنگ کرنے کے لئے پلان مرتب کرے گی اور اس پر عمل درآمد کے لئے ٹائم فریم وضع کرے گی۔ جبکہ اس سلسلے میں کوتاہیوں کی نشاندہی اور اس سدباب کرے گی۔ کمشنر کراچی محمد اقبال میمن کی زیر صدارت کے الیکٹرک ، کیبلز آپریٹرز، ٹیلی کام کمپنیوں کا اجلاس منعقد ہوا۔کیبلز آپریٹرز کی نمائندگی خالد آرائیں ،غفران مجتبیٰ ، سعید شاہ ، کامران زہری نے کی۔ کے الیکٹرک سے ڈائریکٹر گورنمینٹ افیئرز حارث صدیقی، اسسٹنٹ ڈائریکٹر منیر احمد شیخ ،مینجر سرمد شاہ نے شرکت کی ۔ اجلاس میں ڈپٹی کمشنرز شرقی آصف جان صدیقی، ملیر گھنور خان لغاری، جنوبی ارشاد علی سوڈر ، کورنگی سلیم اللہ اوڈھو، ڈی آئی جی جنوبی شرجیل کھرل کے علاوہ کے ایم سی، کنٹونمنٹ بورڈ اور ٹیلی کام کمپنیوں کے نمائندوں نے شرکت کی ۔ کمشنر کراچی نے کا کہنا تھا کہ کیبلز کے تار کانٹے سے عام شہری متاثر ہو رہے ہے، کووڈ 19 کے بعد زیادہ تر کاروبار زندگی آن لائن منتقل ہو چکا ہے۔ بچوں کی تعلیم ، دفاتر کے کام اور تجارتی سرگرمیاں آن لائن ہو رہی ہیں ۔بچوں کے امتحانات جاری ہیں، شہریوں کے حقوق متاثر ہونگے تو انتظامیہ تحرک میں آئے گی۔ رابطے منقطع ہونے سے تمام سرگرمیاں معطل ہوکر رہ جاتی ہیں۔ انہوں نے کہا کہ تمام اداروں میں خامیاں ہیں، مل کر نہیں چلیں گے ،تو مسائل جاری رہیں گے۔ اس موقع پر کیبلز آپریٹرز ایسوسی ، کے الیکٹرک اور ٹیلی کام کمپنیوں نے اجلاس کو اپنے مسائل سے آگاہ کیا۔
