کراچی( کامرس رپورٹر ) برآمدکنندگان وفاق کی فوری توجہ کے منتظر ہیں. زرعی ایکسپورٹ بڑھانے کے لئے ڈیوٹی ڈرا بیک آف لوکل ٹیکسز اینڈ لیویز(DLTL) کا تسلسل ملکی برآمدت میں اضافے کا ذریعہ بن سکتا ہے. سیلاب کی وجہ سے زرعی پیداوار میں کمی اور DLTL کے خاتمے سے زرعی برآمدات جاری رکھنا نا ممکن ہوجائے گا. وفاقی وزیر خزانہ اور کامرس سے درخواست ہے کہ DLTL کے تحت برآمد کنندگان کو ملنے والی رعایات کو فوری طور پر بحال کیا جائے.ان خیالات کا اظہار سینئر نائب. صدر ایگریکلچر اینڈ ہارٹیکلچر فورم پاکستان.
خالد اعجاز قریشی نے ایک بیان میں کیا تفصیلات کے مطابق
پاکستان ایگریکلچر اینڈ ہارٹیکلچر فورم کے سینئر نائب صدر خالد اعجاز قریشی نے ملک کی برآمدات اور زر مبادلہ کے ذخائر میں تیزی سے آنے والیم کمی پر پاکستان ایگریکلچر اینڈ ہاڑتیکلچر فرم کی طرف سے سخت تشویش کا اظہار کرتے ہوئے کہا ہے کہ وفاقی حکومت برآمدی سیکٹر کی مشکلات کا سد باب کرنے میں پیش قدمی کر کے ہی ملک کی برآمدات مین اضافہ اور ضرورت کے مطابق زر مبادلہ کما سکتی ہے. بارشوں اور سیلاب کی تباہ کاریوں نے سب سے زیادہ زرعی شعبے کا متاثر کیا ہے ایگریکلچر اور ٹیکسٹائل جیسے زرمبادلہ کمانے کے اہم ترین ذرائع حکومتی عدم توجہ کی وجہ سے سخت مشکلات کا شکار ہیں جس کی اہم وجہ ڈیوٹی ڈرابیک آف لوکل ٹیکسز اینڈ لیویز(DLTL) کا خاتمہ ہے۔ پاکستان ایگریکلچر اینڈ ہارٹیکلچر فورم کے سینیئر نائب صدر خالد اعجاز قریشی نے کہا کہ رواں سال کی گذشتہ سہ ماہی میں DLTL کے خاتمے کی وجہ سے مملکت پاکستان کو 5.941 ملین ڈالر ٹیکسٹائل سیکٹر اور 500 ملین ڈالر چاول کی برآمدات میں کمی کا سامنا کرنا پڑا ہے جس کا براہ راست اثر ملک کے زر مبادلہ کے ذخائر میں کمی کی صورت میں سامنے آرہا ہے. پاکستان کے برآمد کنندگان پڑوسی ممالک اور عالمی مارکیٹ میں دیگر ممالک کی مصنوعات کے مقابلے کی سکت نہیں رکھتے جس کی وجہ پاکستانی برآمدات پر ٹیکسوں کی بھرمار اور حکومت کی عدم سرپرستی ہے. خالد اعجاز قریشی نے وزیر اعظم پاکستان میاں محمد شہباز شریف، وفاقی وزیر کامرس سید نوید قمر شاہ اور وفاقی وزیر خزانہ و چیئرمین اقتصادی رابطہ کمیٹی اسحق ڈار سے درخواست کی ہے کہ چاول، ٹیکسٹائل سمیت پاکستان کی برآمدات میں اضافے اور عالمی منڈیوں میں مقابلے کے لئے پاکستان کے برآمد کنندگان کو DLTL سمیت خصوصی رعایات دی جائیں۔ ملکی برآمدات میں اضافے کے لئیبرآمدکنندگان وفاق کی فوری توجہ کے منتظر ہیں. زرعی ایکسپورٹ بڑھانے کے لئے ڈیوٹی ڈرا بیک آف لوکل ٹیکسز اینڈ لیویز(DLTL) کا تسلسل ملکی برآمدت میں اضافے کا ذریعہ بن سکتا ہے. سیلاب کی وجہ سے زرعی پیداوار میں کمی اور DLTL کے خاتمے سے زرعی برآمدات جاری رکھنا نا ممکن ہوجائے گا. وفاقی وزیر خزانہ اور کامرس سے درخواست ہے کہ DLTL کے تحت برآمد کنندگان کو ملنے والی رعایات کو فوری طور پر بحال کیا جائے.
