کویٹہ(نمائندہ خصوصی ) ترجمان حکومت بلوچستان فرح عظیم شاہ نے بی جے پی کی طرف سے پیغمبر اسلام (ص) کے خلاف توہین آمیز تبصرے پر سختی سے مذمت کرتے ہوئے کہا ہے کہ دنیا سے نوٹس لینے اور بھارت کی سرزنش کرنے کی اپیل کی۔ انہوں نے کہا مودی کی قیادت میں ہندوستان مذہبی آزادیوں کو پامال کر رہا ہے اور مسلمانوں پر ظلم کر رہا ہے۔ انہوں نے کہا کہ دنیا اور اقوامِ متحدہ کو ہندوستان میں مسلمانوں پر ظلم وزیادتی اور دنیا بھر کے مسلمانوں کے احساسات کو مجروح کرنے کا نوٹس لینا چاہیے اور بھارت کو سخت سرزنش کرنی چاہیے۔ انہوں نے کہا کہ مسلمانوں کی نبی کریم ﷺ سے محبت سب سے زیادہ ہے اور وہ حضور ﷺ کے لیے جان بھی قربان کر سکتے ہیں۔ انہوں نے کہا کہ ان کے تبصروں سے ناقابل قبول ریمارکس سے نہ صرف پاکستانی عوام بلکہ دنیا بھر کے اربوں مسلمانوں کے جذبات کو شدید ٹھیس پہنچی ہے۔ بی جے پی کی جانب سے وضاحت کی کوشش اور ان افراد کے خلاف تاخیر سے کی جانے والی تادیبی کارروائی سے مسلم دنیا کے لیے جو تکلیف اور پریشانی ہوئی ہے اسے کم نہیں کیا جا سکتا۔ محترمہ فرح عظیم شاہ نے کہا کہ پاکستان کو ہندوستان میں مسلمانوں کے خلاف فرقہ وارانہ تشدد اور نفرت میں خطرناک حد تک اضافے پر بھی گہری تشویش ہے
مودی کی قیادت میں ہندوستان مذہبی آزادیوں کو پامال کر رہا ہے اور مسلمانوں پر ظلم کر رہا ہے۔ فرح عظیم شاہ
