لاہور(بیورو رپورٹ ) تحریک انصاف کے چیئرمین عمران خان کی جانب سے تمام اسمبلیوں سے مستعفی ہونے کے اعلان کے بعد سیاست میں ایک نئی ہلچل پیدا ہو گئی ہے ،پنجاب اسمبلی کو تحلیل ہونے سے روکنے کیلئے مسلم لیگ (ن) اور اتحادیوں کے درمیان اہم مشاورت ہوئی ہے۔ذرائع کے مطابق لیگی اراکین اسمبلی اوراتحادیوں کی اکثریت نے وزیراعلی پنجاب کے خلاف عدم اعتماد لانے کا مشورہ دیدیا ہے جبکہ بعض ارکان نے گورنرکی جانب سے وزیراعلی کو اعتماد کا ووٹ لینے کی رائے دی ہے ۔ذرائع کے مطابق عدم اعتماد کی صورت میں وزیراعلی کو اسمبلی سے186ووٹ لیناہوں گے، تحریک عدم اعتماد یا اعتماد کے ووٹ لینے تک وزیراعلی پنجاب فوری اسمبلی نہیں توڑسکتے۔اس وقت میں پنجاب اسمبلی میں حکومتی اتحاد کے190 ارکان ہیں جن میں پی ٹی آئی کے 180اور اتحادی (ق) لیگ کے10ارکان ہیں۔ذرائع کے مطابق تحریک عدم اعتماد جمع کروا کر اپوزیشن جوڑ توڑ کرے گی جبکہ تحریک عدم اعتماد لانے کا حتمی فیصلہ مسلم لیگ (ن) اوراتحادیوں کی قیادت کرے گی ۔ 
عمران خان کے اسمبلیوں سے مستعفی ہونے کے اعلان کے بعد ، سیاست میں نئی ہلچل
جواب دیں
ہماری ویب سائٹ پر تازہ ترین خبریں حاصل کریں۔
