اسلام آباد( نمائندہ خصوصی )چیئرمین سینیٹ محمد صادق سنجرانی نے کہا ہے کہ صوبہ بلوچستان کی ترقی اور خوشحالی پورے ملک کے معاشی استحکام کو یقینی بنائے گی،معاشی ترقی کا انحصارصنعتی ترقی پر ہے اس لئے انڈسٹریز کو چلانے کیلئے بجلی کی فراہمی ناگزیر ہے۔ ان خیالات کا اظہار انہو ں نے کوئٹہ الیکٹرک سپلائی کمپنی کے چیف ایگزیکٹو انجینئر عبدالکریم جمالی سے گفتگو کرتے ہوئے کیا جنہوں نے پارلیمنٹ ہاس میں ان سے ملاقات کی۔ ملاقات میں انجینئر عبدالکریم جمالی کی چیئرمین سینیٹ کو ضلع چاغی کی یونین کونسل چارسر میں بجلی کی فراہمی کے منصوبوں سے متعلق تفصیلی بریفنگ دی۔ انجینئر عبدالکریم جمالی نے کہا کہ یونین کونسل چارسرسمیت صوبہ بلوچستان کے مختلف علاقوں میں بجلی کی فراہمی کیلئے منصوجات پر کام ہو رہا ہے۔ اس موقع پر چیئرمین سینیٹ نے بلوچستان کے مختلف علاقوں میں بجلی کی فراہمی کے جاری منصوبے جلد سے جلد مکمل کرنے کی ہدایت کی ہے۔ انہوں نے کہا کہ یونین کونسل چار سر میں زیر تکمیل منصوبے جلد ازجلد مکمل کئے جائیں۔ صوبہ بلوچستان کی ترقی اور خوشحالی پورے ملک کے معاشی استحکام کو یقینی بنائے گی۔چیئرمین سینیٹ نے کہا کہ معاشی ترقی کا انحصارصنعتی ترقی پر ہے اس لئے انڈسٹریز کو چلانے کیلئے بجلی کی فراہمی ناگزیر ہے۔ صوبہ بلوچستان انتہائی اہم صوبہ ہے عوام کو بجلی، گیس سمیت دیگر بنیادی سہولیات کی فراہمی یقینی بنائی جائے۔
