لاہور/راولپنڈی ( بیورو رپورٹ ) پاکستان تحریک انصاف کے چیئر مین سابق وزیر اعظم عمران خان 26 نومبر کو بذریعہ ہیلی کاپٹر راولپنڈی پہنچیں گے۔ ذرائع کے مطابق چیئرمین پی ٹی آئی عمران خان نے پارٹی رہنماں سے ٹیلیفونک رابطے کیے ۔ذرائع نے بتایا کہ 26نومبر کو راولپنڈی میں تحریک انصاف کے جلسے کے معاملے پر عمران خان نے پارٹی کے مرکزی رہنماں سے ٹیلیفونک رابطے کیے اور تیاریوں کے متعلق آگاہی حاصل کی۔ٹیلیفونک رابطوں میں عمران خان کی روانگی کے معاملات پر مشاورت کی گئی، چیئرمین پی ٹی آئی کے بذریعہ ہیلی کاپٹر راولپنڈی پہنچنے پر اتفاق کیا گیا۔ذرائع نے بتایا کہ راولپنڈی میں کتنے روز قیام ہوگا فیصلہ 26 نومبر کو راولپنڈی میں ہی کیا جائے گا۔عمران خان نے پارٹی رہنماں کو ہدایت دی کہ قافلوں کی سیکیورٹی کے لئے فول پروف انتظامات کئے جائیں۔ذرائع کے مطابق راولپنڈی ڈویژن کے صوبائی وزرا خیمہ بستی میں قافلوں کی میزبانی کے ذمہ دار ہوں گے۔پی ٹی آئی رہنماں اور کارکنوں کو 25 نومبر تک راولپنڈی پہنچنے کی ہدایات جاری کر دی گئی ہیں۔سینٹرل پنجاب سے پی ٹی آئی کے قافلوں کو 26 نومبر دوپہر ایک بجے سے پہلے راولپنڈی پہنچنے کی ہدایت دی گئی ہے۔
