اسلام آباد ( نمائندہ خصوصی)حکومت نے کفایت شعاری مہم پر عملدرآمد شروع کردیا۔حکومتی ذرائع کے مطابق وفاقی کابینہ کے اراکین کے پیٹرول کوٹہ پر 40 فیصد کٹوتی کی تجویز ہے جبکہ تمام وزارتوں کے سرکاری افسران کے پیٹرول کوٹہ پر بھی کٹ لگانے کا فیصلہ کیا گیا ہے۔ذرائع کے مطابق کابینہ ارکان اور سرکاری افسران کے بجلی، گیس اور ٹیلی فون بل پر بھی کٹوتی کی تجویز ہے، تمام وزارتوں میں تزئین و آرائش پر بھی پابندی کی تجویز دی گئی ہے۔ذرائع کے مطابق تمام وزارتوں میں افسران کے لیے نئی گاڑیاں لینے پر بھی پابندی کی تجویز ہے۔واضح رہے کہ پیٹرولیم مصنوعات کی قیمتوں میں بڑے اضافہ کے بعد سندھ اور پنجاب نے کابینہ اراکین کے پیٹرول پر 40 اور پختون خوا نے 35 فیصد کٹ لگایا ہے
حکومت کی کفایت شعاری مہم‘ وزراءاور سرکاری افسران کے بجلی، گیس، ٹیلی فون کے بلوں میں کٹوتی کی تجویز
ہماری ویب سائٹ پر تازہ ترین خبریں حاصل کریں۔
