لاڑکانہ(بیورورپورٹ) ایس ایس پی لاڑکانہ ڈاکٹر محمد عمران خان کی ہدایات پر لاڑکانہ پولیس نے جرائم پیشہ افراد کے خلاف کاروائیاں کرتے پولیس مقابلوں، منشیات فروشی جیسے سنگین نوعیت کے مقدمات میں ملوث اور سرگرم 10 ملزمان کو گرفتار کرکے غیر قانونی اسلحہ، منشیات، ایک لاکھہ نقدی، موبائل فونز اور سولر پلیٹ برآمد کرلی، تفصیلات کے مطابق حیدری پولیس نے دوران چیکنگ مطلوب ملزم محمد علی سولنگی کو بغیر لائسنس ریوالور گولیوں سمیت، علی گوہر آباد پولیس نے دوران گشت مطلوب ملزم سجاول شیخ کو بغیر لائسنس پسٹل گولیوں سمیت، سی آئی اے پولیس نے تھانہ علی گوہر آباد کی حدود میں جوا کے اڈے پر کامیاب چھاپہ مارکر 7 جواریوں بدر علی، نیاز، نظام الدین، ریاض، مظہر، غلام نبی اور لقمان جتوئی کو نقدی 54 ہزار نقدی سمیت، دڑی پولیس نے منشیات فروش عرفان جروار کو منشیات سمیت گرفتار کرلیا، دوسری جانب ولید پولیس نے شہری حاکم علی گوپانگ کی چوری شدہ موبائل فون، دڑی پولیس نے شہری بشیر احمد سے چھینی گئی نقدی 50 ہزار اور عبدالرسول شیخ کی سولر پلیٹ اور حیدری پولیس نے شہری ثناءاللہ لہر کی چوری شدہ موبائل فون برآمد کرلی ہے، پولیس کے مطابق گرفتار تمام ملزمان کے خلاف ایسے مقدمات درج کرکے تفتیش شروع کردی گئی ہے۔
