کراچی(نمائندہ خصوصی)
جناح انٹرنیشنل ایئرپورٹ (جے آئی اے پی) پر آج فارن آبجیکٹ ڈیبریز (ایف او ڈی) پک اپ واک کا انعقاد ہوا ,اس سرگرمی کا مقصد ہوائی اڈے کے عملے میں محفوظ ہوا بازی اور سیکورٹی کے بارے میں آگاہی پیدا کرنا تھا تاکہ ہوائی اڈے پر محفوظ جاری آپریشنز کو یقینی بنایا جاسکے۔ڈائریکٹوریٹ آف سیفٹی اینڈ کوالٹی مینجمنٹ سسٹم (SQMS) کے زیر اہتمام ( ایف او ڈی) واک میں، ایئرپورٹس کے ایگزیکٹوز، ملازمین اور اسٹیک ہولڈرز سمیت حاضرین کی ایک بڑی تعداد نے ایئرپورٹ کے ایئر سائیڈ ایپرن ایریا میں ہونے والی واک میں حصہ لیا جہاں انہوں نے ملنے والی مختلف اشیاء کو جمع کی جو ممکنہ طور پر نقصان کا سبب بن سکتیں تھیں۔شرکاء نے ایپرن ایریا پر ا(ایف او ڈی) واک شروع ہونے سے قبل سیفٹی اینڈ کوالٹی مینجمنٹ (SQMS) ڈیپارٹمنٹ نے سرگرمی اور اس کے مقصد کے بارے میں بریفنگ دی۔ ڈیپارٹمنٹ نمائندوں نے کہا کہ ایف او ڈی واک ہمارے ہوائی اڈوں پرہیلتھ اینڈ سیفٹی اور آپریشنل ماحول اور اس کے طریقہ کار سے متعلق عملے میں رسک مینجمنٹ کے حوالے سےاگاہی پیدا کرتی ہے
ایف او ڈی واک کے اختتام پر شرکاء ڈیبریفنگ سیشن کے لیے جمع ہوے۔ ائیرپورٹ منیجر نے ایف او ڈی واک میں حصہ لینے پر تمام ساتھیوں کا شکریہ ادا کیا۔ انہوں نے کہا کہ ایف او ڈی واک سیفٹی اور سیکورٹی کے حوالے سے ہمارے عزم کی عکاسی کرتی ہے، کیونکہ یہ جناح انٹرنیشنل ایئرپورٹ پر ہماری اولین ترجیح ہیں۔ انہوں نے مزید کہا کہ اس طرح کی سرگرمیاں ہمارے ملازمین کو اپنے اور اپنے ساتھیوں کی سیفٹی کو ذہن میں رکھتے ہوئے موثر طور پر کام کرنے کی ترغیب دیتی ہیں۔
