کراچی(کرائم رپورٹر )سپر ہائی وے پر قائم نجی ہاﺅسنگ سوسائٹی میں کار گہرائی میں گرنے سے خواتین و بچوں سمیت 5 افراد جاں بحق ہو گئے۔پولیس کے مطابق نجی ہاﺅسنگ سوسائٹی میں کسی کام کی وجہ سے کئی فٹ گہری کھدائی کی گئی تھی اور اس میں پانی بھرا ہوا تھا کہ اس دوران وہاں سے گزرنے والی کار اس میں جاگری۔حادثے میں کار میں سوار 45 سالہ احمر شریف، اہلیہ 40 سالہ صائمہ احمر، بیٹا 14 سالہ عبداللہ شریف، 48 سالہ فہمیدہ نعیم اور 14 سالہ حماد جاں بحق ہو گئے۔واقعے کے فورا بعد کار کو کرین کی مدد سے باہر نکالا گیا۔ ریسکیو ذرائع کے مطابق ایک زخمی بچی اسوقت لیاقت نیشنل اسپتال میں زیرعلاج ہے جسے طبی امداد دی جا رہی ہے۔اہلخانہ کے مطابق متاثرہ خاندان بحریہ ٹاﺅن کے رہائشی تھے جو ایک سال قبل ہی بحریہ ٹاﺅن میں آکر آباد ہوئے تھے،اس سے قبل متاثرہ خاندان شاہ فیصل کالونی کی رفاع عام سوسائٹی میں رہائش پزیر تھا۔ اہلخانہ نے اس حوالے سے مزید بتایا کہ مرنے والے خاندان کے سربراہ احمر ایک سول انجینئیر تھے
