کراچی(نمائندہ خصوصی) مسافروں کے لئے بڑی خوشخبری ہے محکمہ ریلوے نے ٹرین آپریشن بحال کردیا ہے۔تفصیلات کے مطابق محکمہ ریلوے نے ٹرین آپریشن دوبارہ بحال کرنےکا نوٹیفکیشن جاری کردیا ہے، نوٹی فیکیشن کے مطابق ایک ماہ سات دن بعد بعدخیبرمیل کل رات 10بجکر15منٹ پرکراچی سے پشاور کے لئے روانہ ہوگی۔
رحمان بابا ایکسپریس دو اکتوبرکی صبح10بجے کراچی کینٹ ست راولپنڈی کےلیے روانہ ہوگی اسی طرح 5 اکتوبرکو قراقرم ایکسپریس3بجکر30منٹ پرلاہور کے لئے روانہ ہوگی۔ریلوے حکام کے مطابق 5 اکتوبر سے ہی بزنس ایکسپریس 4بجےاورکراچی ایکسپریس4بجکر30منٹ پرلاہور کی جانب روانہ ہوگی، محکمہ ریلوے نےکراچی سےلاہوراور راولپنڈی کے لئے چلنے والی پانچوں ٹرینوں کی بکنگ کا آغاز بھی کردیا ہے۔
نوٹی فیکیشن میں بتایا گیا کہ مسافروں کی سہولت کیلئے پانچوں ٹرینوں میں بوگیوں کی تعداد بڑھا کر 19 کردی گئی ہے۔واضح رہے کہ حالیہ سیلاب سے ریلوے کو 500 ارب روپے سے زائد کا نقصان ہوا ہے۔