ملتان(اسٹاف رپورٹر) پاکستان ریلوے نے زکریا ایکسپریس کا نجی کمپنی کے ساتھ ٹھیکہ ختم کر دیا۔22 اگست سے مذکورہ ٹرین کو پاکستان ریلوے چلائے گی۔ ذرائع نے بتایا ہے کہ ایس ایس آر نامی کمپنی کے ٹھیکیدار نے پاکستان ریلوے حکام کو لیٹر لکھا تھا کہ ایک ماہ قبل زکریا ایکسپریس میں خاتون کے ساتھ پیش ہونے والے زیادتی کے واقعہ کے بعد ریلوے پولیس اہلکار کوچز کی تلاشیاں لیتے ہیں جس سے مسافروں کو سخت پریشانی کا سامنا ہےاور ایسی صورتحال کی وجہ سے انکے کاروبار کو بھی سخت مشکلات کا سامنا کرنا پڑ رہا ہے۔
مراسلہ میں یہ بھی کہا گیا کہ ڈیزل کے ریٹ میں اضافہ ہو گیا ہے لیکن ہمیں کرایہ بڑھانے کہ اجازت نہیں دی جارہی۔اس لیے میرا ٹھیکہ منسوخ کیا جائے۔ ریلوے ذرائع کے مطابق حکام نے نجی کمپنی کا ٹھیکہ ختم کردیا ہے اور 22 اگست سے پاکستان ریلوے زکریا ایکسپریس کی بکنگ خود کرے گی۔