اسلام آباد (نمائندہ خصوصی) کورونا کی چھٹی لہر میں تیزی آگئی ہے اور کرونا سے مزید 8افراد جان کی بازی ہار گئے ہیں ۔قومی ادارہ صحت (این آئی ایچ ) کے مطابق گزشتہ 24گھنٹوں کے دوران کورونا سے متاثر مزید 8افراد انتقال کر گئے جبکہ 165مریضوں کی حالت تشویشناک ہے۔
این آئی ایچ کے مطابق گزشتہ 24گھنٹوں میں کورونا کے 12ہزار273ٹیسٹ کئے گئے جس میں 358افراد کا کورونا ٹیسٹ مثبت آیا ہے۔قومی ادارہ صحت کی رپورٹ کے مطابق کورونا کے 165مریضوں کی حالت نازک ہے، گزشتہ 24 گھنٹوں کے دوران ملک میں کورونا مثبت کیسز کی شرح 2.92 ریکارڈ کی گئی۔
