کراچی( کامرس رپورٹر ) نیشنل فورم فار انوائرنمنٹ اینڈ ہیلتھ (این ایف ای ایچ) اور حکومت سندھ کے اشتراک سے ویسٹ مینجمنٹ پرقومی کانفرنس اور 19ویں سالانہ انوائرنمنٹ ایکسی لینس ایوارڈز2022کی تقریب 16اگست کو مقامی ہوٹل کراچی میں منعقد ہوگی ۔ کانفرنس کے حوالے سے فورم کے صدر محمد نعیم قریشی نے بتایا کہ اس کانفرنس میں کچرے کے مسائل،صنعتوں اور ہسپتالوں کے زہریلے فضلے کے حوالے سے ماہرین اپنے خیالات کا اظہار کریں گے ۔ انہوں نے بتایا کہ سندھ سالڈ ویسٹ مینجنمنٹ کے ایم ڈی زبیر احمد چنا، شہزادہ ارشاد محمد، این ای ڈی یونیورسٹی کے ڈین پروفیسر ڈاکڑ نعمان احمد، سی ای او ٹرانس کراچی واصف عجلال، نوید اضغر، پیٹرن آباد محسن شیخانی، حناء جمشید، عمر ندیم عارف و دیگر بھی خطاب کریں گے ۔ نعیم قریشی نے مزید کہا کہ اس موقع پر70 سے زائداداروں کو بہترین ماحولیاتی کارکردگی پر ایوارڈ بھی دیئے جائیں گے ۔
ویسٹ مینجمنٹ پرقومی کانفرنس 16اگست کو ہوگی،محمد نعیم قریشی
