کراچی( کرائم رپورٹر )
کراچی کے مختلف جنرل تھانوں میں خاتون ایس ایچ اوز کی تعیناتی کے بعد اب ڈسٹرکٹ سینٹرل کے تھانے میں ایک خاتون پولیس ملازم کو ہیڈمحرر تعینات کردیا گیا ہے۔سینیئر سپرنٹنڈنٹ آف پولیس سینٹرل محمد معروف عثمان کے مطابق لیڈی ہیڈ کانسٹیبل فائزہ ظہیر کو ڈسٹرکٹ سینٹرل کے یوسف پلازہ تھانے میں ہیڈ محرر تعینات کیا گیا ہے۔
تھانے کے ایس ایچ او کے بعد ہیڈ محرر ایک اہم انتظامی عہدہ کہلاتا ہے، تھانے کے تمام دستاویزی معاملات کے علاوہ علاقے میں پولیس فورس کی پوسٹنگ اور اہم معلومات ہیڈ محرر کی ذمہ داری ہوتی ہے۔پولیس ذرائع کےمطابق مطابق ایسا انسپکٹر جنرل سندھ غلام نبی میمن کی خواتین پولیس ملازمین کو خود مختار بنانے کی پالیسی کے تحت کیا گیا ہے۔ انہوں نے بتایا کہ ان کے ڈسٹرکٹ میں مختلف خواتین پولیس اہلکار تھانوں میں مُنشی کی ڈیوٹی بھی انجام دے چکی ہیں
کراچی سینٹرل کےیوسف پلازہ تھانے میں خاتون ہیڈ محرر تعینات
