لاڑکانہ(رپورٹ /عاشق پٹھان)بلوچستان میں پاک فوج کے ہیلی کاپٹر کے ساتھ پیش آنے والے سانحے میں شہادت پانے والے میجر سعید تنیو کا تعلق لاڑکانہ سے ہے تفصیلات کے مطابق بلوچستان کے علاقے لسبیلہ میں آرمی ایوئیشن کے ہیلی کاپٹر سانحے میں شہادت پانے والے میجر سعید تنیو کا تعلق لاڑکانہ کے علاقے باقرانی کے گائوں سجاول تنیو سے ہے،
میجر سعید کے بھائی امیر علی تنیو کا کہنا ہے کہ وہ گزشتہ 14 برس سے پاک فوج کے کیے اپنے فرائض سرانجام دے رہے تھے، جبکہ انکے دیگر دو بھائی بھی ڈفینس منسٹری اور ائیر فورس میں اپنے فرائض سرانجام دے رہے ہیں، شہید کی جنازہ نماز آبائی گائوں میں ادا کی جائے گی اور فوجی اعزاز کے ساتھ شہید کی تدفین ہوگی،
میجر سعید تنیو ایک بیٹے اور بیٹی کے والد تھے جبکہ گزشتہ کافی عرصے سے کراچی میں رہائیش پذیر تھے میجر سعید تنیو کی شہادت کی اطلاع ملتے ہی علاقہ مکینوں میں سوگ کا سماء گائوں میں تعذیتی صف بچا دی گئی جہاں اہل علاقہ کی بڑی تعداد پہنچنا شروع ہو گئی ہے
