کراچی(بیورو رپورٹ/کرائم رپورٹر )
کراچی صدر دھماکے کے حوالے سے اہم پیش رفت ہوئی ہے اور سی ٹی ڈی نے صدر دھماکے میں ملوث ہلاک دہشتگرد کے ساتھی کو حیدرآباد سے گرفتار کرلیا ہے۔ذرائع مطابق کراچی صدر دھماکے کے حوالے سے اہم پیش رفت سامنے آئی ہے اور سی ٹی دی نے دھماکے میں ملوث دہشتگرد جو کہ ایک مقابلے میں مارا گیا تھا کے ساتھی کو حیدرآباد سے گرفتار کرلیا ہے۔
سی ٹی ڈی کے مطابق ملزم منظور حسین کو حیدرآباد میں سبحان کالونی کے ریب سے گرفتار کیا گیا ہے جو ریلوے ٹریک پر دھماکے میں بھی ملوث ہے۔گرفتار ملزم منظور ملک ملک دشمن اور دہشتگردی کی وارداتوں میں ملوث ہے اور ملزم نے رواں سال یوم پاکستان کے موقع پر آئی ای ڈی کو دھماکے سے اڑانے کی بھی کوشش کی تھی۔واضح رہے کہ 12 مئی کی شب شہر قائد کے مصروف علاقے صدر میں سائیکل میں نصب بم دھماکے کے نتیجے میں ایک نوجوان جاں بحق اور کئی افراد زخمی ہوئے تھے جب کہ اسی بھگدڑ کے دوران ایک کمسن لڑکی کے لاپتہ ہونے کی بھی اطلاعات سامنے آئی تھیں۔واقعے کے تقریباً ایک ہفتے بعد 18 مئی کو سی ٹی ڈی اور حساس اداروں کا ماڑی پور پانچ سو کوارٹر روڈ پر دہشت گردوں سے مقابلہ ہوا، اس کارروائی میں فائرنگ سے 2 دہشت گرد ہلاک ہو گئے، جب کہ ایک دہشت گرد موٹر سائیکل پر فرار ہو گیا۔انچارج سی ٹی ڈی مظہر مشوانی کے مطابق ہلاک دہشت گردوں کا تعلق کالعدم علیحدگی پسند تنظیم سے ہے، جن کی شناخت اللہ ڈنو اور نواب کے ناموں سے ہوئی ہے، مظہر مشوانی نے بتایا کہ ہلاک دہشت گرد صدر دھماکے میں ملوث ہو سکتے ہیں۔بعد ازاں دوسرے روز سی ٹی ڈی حکام مقابلے میں مارے جانے والے صدر دھماکے میں ملوث ہلاک دہشت گرد اللہ ڈنو کی آڈیوکال سامنے لے آئی اور بتایا کہ دہشت گرد اللہ ڈنو کو پیسہ را سے مل رہا تھاایڈمنسٹریٹر کراچی مرتضیٰ وہاب اور ڈی آئی جی سی ٹی ڈی خرم علی کی سربراہی میں مشترکہ پریس کانفرنس کے دوران میڈیا سے ویڈیو اور آڈیو شواہد کے ذریعے کراچی میں آئی ای ڈی دھماکے میں اللہ ڈنو کے ملوث ہونے کے شواہد شیئر کیے۔اس موقع پر سی ٹی ڈی حکام نے مارے گئے دہشت گرداللہ ڈنو کی آڈیو کال بھی سنائی جس میں دہشت گرد اللہ ڈنو اور اس کے سرغنہ اصغر شاہ کو بات کرتے سنا جاسکتا ہے
