اسلام آباد( نمائندہ خصوصی)آسلام آباد انٹرنیشنل ایئرپورٹ نے مارچ 2025 کے دوران کارگو تھروپٹ چارجز میں غیر معمولی اضافہ رپورٹ کیا، جو کہ 72.3 ملین روپے کی بلند ترین سطح پر پہنچ گیا۔ یہ اضافہ نومبر 2021 کے بعد سب سے زیادہ ہے جو 
49 ملین روپے تھا۔یہ اضافہ M/s SF کارگو کی جانب سے خصوص درآمدی کارگو پروازوں کے آغاز کا نتیجہ ہے، جو B757-200 طیارے کے ذریعے پرواز نمبر 03-233/234 پر یورمچی-اسلام آباد-یورمچی (URC-ISB-URC) روٹ پر کام کر رہی ہیں۔یہ پروازیں فی فلائٹ تقریباً 22,775 کلوگرام کارگو پہنچا رہی ہیں اور فی الحال ہفتہ میں دو دن (منگل اور جمعہ) صبح11:30 بجے آمد کے وقت کے ساتھ آپریٹ ہو رہی ہیں۔ ایئرلائن مستقبل قریب میں یہ سروس ہفتہ میں چار دن تک بڑھانے کا ارادہ رکھتی ہے۔
مارچ 2025 میں آسلام آباد انٹرنیشنل ایئرپورٹ کے کارگو تھروپٹ چارجز میں نمایاں اضافہ
