پاکستان آرمی ٹیم اسپرٹ ایکسرسائز 2025 کی افتتاحی تقریب کا نیشنل کاونٹر ٹیررازم سینٹر، پبی میں انعقاد

راولپنڈی(نمائندہ خصوصی)پاکستان آرمی ٹیم اسپرٹ ایکسرسائز 2025 کی افتتاحی تقریب کا نیشنل کاونٹر ٹیررازم سینٹر، پبی میں انعقادڈی جی ملٹری ٹریننگ نے 60 گھنٹے طویل پیٹرولنگ ایکسرسائز کا افتتاح کیامشق کا مقصد عالمی سیکیورٹی حالات میں عسکری تعاون بڑھانا ہےایکسرسائز میں پاکستان سمیت 20 دوست ممالک کی شرکتشریک ممالک میں چین، سعودی عرب، امریکہ، ترکی اور دیگر شامل بنگلہ دیش، جرمنی، مصر سمیت کئی ممالک کے مبصرین شریکپاکستان آرمی ٹیم اسپرٹ ہر سال منعقد ہونے والی پیشہ ورانہ مشق ہےمشق میں جسمانی فٹنس، دماغی چابک دستی اور پیشہ ورانہ مہارت آزمائی جاتی ہےمشکل مشنز میں تیز فیصلے اور ٹیم ورک کی صلاحیتیں نکھاری جاتی ہیںمشق سے فوجیوں کی بنیادی صلاحیتیں بہتر ہوں گی تجربات اور بہترین طریقوں کے تبادلے سے باہمی ہم آہنگی بڑھے گی پاک افواج کے شعبہ تعلقات عامہ (آئی ایس پی آر) کے مطابق مشق کا افتتاح ڈائریکٹر جنرل ملٹری ٹریننگ نے کیا، مشق میں بحرین، بیلاروس، چین، سعودی عرب، مالدیپ اور مراکش کے دستے شامل ہیں۔آئی ایس پی آر کے مطابق نیپال، قطر، سری لنکا، ترکی، امریکا اور ازبکستان کے دستے بھی مشق میں شامل ہیں۔ جبکہ بنگلا دیش، مصر، جرمنی، انڈونیشیا، کینیا، میانمار، جنوبی افریقہ اور تھائی لینڈ بطور مبصر شریک ہیں۔ترجمان پاک فوج نے کہا کہ پاکستان آرمی ٹیم اسپرٹ ایک مشن مخصوص اور پیشہ ورانہ عسکری مشق ہے۔ مشق میں جسمانی فٹنس، ذہنی چستی اور پیشہ ورانہ عسکری مہارتوں کا اعلیٰ مظاہرہ درکار ہوتا ہے۔آئی ایس پی آر کے مطابق حقیقی حالات سے قریب تر ماحول میں مشکل مشنز کی انجام دہی کے دوران فوری فیصلے لینے کی تربیت دی جاتی ہے، مشق کے ذریعے نئی سوچ اور بہترین مشترکہ تجربات کا تبادلہ ممکن ہوسکے گاترجمان پاک فوج کا مزید کہنا تھا کہ مشق کا مقصد ٹیم ورک کے ذریعے استقامت پیدا کرنا ہے، اس مشق سے بنیادی فوجی صلاحیتوں میں نکھار اور مختلف افواج کے درمیان ہم آہنگی کو فروغ ملے گا ۔