لکی مروت:ٹی ٹی پی ٹیپو گل مروت کے عسکریت پسند ایک سرکاری ملازم کو اغوا کرنے کی کوشش میں مقابلے میں ہلاک

لکی مروت ( نیوز ڈیسک)ضلع لکی مروت کے بچکان گاؤں عمر آباد میں ایک دہشت گرد کو ہلاک کر دیا گیا، جبکہ دوسرا مقامی مزاحمت کاروں کے ساتھ جھڑپ کے دوران شدید زخمی ہوا۔ذرائع کے مطابق ٹی ٹی پی ٹیپو گل مروت کے عسکریت پسند ایک سرکاری ملازم کو اغوا کرنے کی کوشش کر رہے تھے کہ مقامی چیگھا پارٹی نے انہیں روک لیا۔ عسکریت پسندوں کو ہتھیار ڈالنے کا حکم دیا گیا، لیکن اس کے بجائے، انہوں نے گولی چلائی، جس سے چیگھا پارٹی کو جوابی کارروائی پر مجبور ہونا پڑا۔ جس کے نتیجے میں ایک خوارج دہشت گرد مارا گیا جبکہ دوسرا شدید زخمی ہوا۔سیکورٹی فورسز اور مقامی لوگوں نے زخمی جنگجو کا سراغ لگانے اور علاقے میں خطرات کے مکمل خاتمے کو یقینی بنانے کے لیے سرچ آپریشن شروع کر دیا ہے۔