تھیٹرز مالکان اں ڈرٹیکنگ کے پابند ہیں، خلاف ورزی کرنے والوں کو تھیٹر چلانے کی اجازت نہیں۔عظمیٰ بخاری وزیر اطلاعات و ثقافت پنجاب

لاہور( نمائندہ خصوصی) وزیر اطلاعات پنجاب عظمیٰ بخاری نے کہا ہے کہ تھیٹرز مالکان اپنی انڈرٹیکنگ کے مطابق تھیٹرز کو چلانے کے پابند ہیں۔جو تھیٹرز مالکان انڈرٹیکنگ کی خلاف ورزی کرینگے انہیں تھیٹر چلانے کی اجازت نہیں ملے گی۔اسٹیج اداکار اور اداکارائیں تھیٹرز کو فیملی تھیٹرز بنانے میں اپنا رول ادا کریں۔ تھیٹرز مالکان عید کے موقع پر شہریوں کو اچھی اور معیاری تفریح فراہم کریں۔عوام کو اچھی تفریح مہیا کرنے کے لئے تھیٹرزمیں اچھے اور معیاری ڈرامے دکھائے جائیں۔کسی کو بھی غیر قانونی اور بغیر لائسنس تھیٹرز چلانے کی اجازت نہیں۔پنجاب میں جو بھی غیر قانونی اور بغیر لائسنس تھیٹرز چلائے گا اسکے خلاف سخت کاروائی ہو گی۔تمام اضلاع کے ڈی سی اور ضلعی انتظامیہ پنجاب آرٹ کونسل کے نمائندوں کے ساتھ رابطے میں رہیں۔جو تھیٹرز پالیسی اور ایس او پیز کی خلاف کرے اسکے خلاف بروقت کاروائی عمل میں لائی جائے۔تھیٹرز کے نام پر کسی کو فحاشی اور بے حیائی پھلانے کی اجازت نہیں دی جاسکتی۔جلد خود بھی پنجاب کے مختلف اضلاع کے تھیٹرز کے سرپرائز وزٹ کروں گی۔