کراچی: عید الفطر کے موقع پر سندھ پولیس کی شاندار کارکردگی، تین دن مکمل سیکیورٹی اور ہموار ٹریفک انتظامات قابل ستائش ہیں: رضوان عرفان

کراچی (اسٹاف رپورٹر) عید الفطر کے تینوں دنوں میں سندھ پولیس نے شہر بھر میں فول پروف سیکیورٹی اور ٹریفک انتظامات یقینی بنائے، جس پر کراچی الیکٹرونکس ڈیلرز ایسوسی ایشن کے صدر رضوان عرفان نے پولیس اہلکاروں کو خراج تحسین پیش کیا۔ انہوں نے کہا کہ پولیس کی جانب سے عید کے موقع پر کیے گئے سیکیورٹی اقدامات اور عوام کی سہولت کے لیے ٹریفک کنٹرول کی کارروائیاں قابل تعریف ہیں۔ رضوان عرفان نے کہا کہ سندھ پولیس نے عید کے دوران نہ صرف امن و امان کو یقینی بنایا بلکہ ٹریفک جام سے بچنے کے لیے بھی موثر اقدامات کیے۔ شہریوں نے پہلی بار عید کے موقع پر پرامن اور پرسکون ماحول میں خوشیاں منائیں۔ رضوان عرفان نے مزید کہا کہ رینجرز سندھ اور دیگر سیکیورٹی اداروں نے بھی پولیس کے ساتھ مکمل تعاون کیا، جس سے شہر میں کسی بھی ناخوشگوار واقعے کو روکنے میں مدد ملی۔ ڈی آئی جی ٹریفک اور ایڈیشنل آئی جی کراچی کی جانب سے عید الفٹر سے قبل ہی خصوصی ہدایات جاری کی گئی تھیں، جس کے تحت تمام اہم مارکیٹوں، عید گاہوں اور شاپنگ سنٹرز کے اردگرد اضافی سیکیورٹی تعینات کی گئی۔ ٹریفک پولیس نے بھی مصروف ترین شاہراہوں پر نگرانی بڑھا دی تھی تاکہ شہریوں کو کسی بھی قسم کی دشواری کا سامنا نہ کرنا پڑے۔عید کے موقع پر سیکیورٹی انتظامات سے شہری بھی مطمئن نظر آئے۔ کراچی کے رہائشی عرفان فاروقی نے کہا کہ گزشتہ سالوں کے مقابلے میں اس بار ٹریفک کا نظام بہتر تھا اور پولیس کی موجودگی نے مجرمانہ واقعات کو کم کرنے میں اہم کردار ادا کیا۔اسی طرح، نورین اختر نامی ایک شہریہ نے کہا کہ عید کی خریداری کے دوران مارکیٹوں میں پولیس کے اضافی دستوں نے خواتین کو تحفظ کا احساس دلایا۔سندھ رینجرز اور دیگر سیکیورٹی فورسز نے بھی پولیس کے ساتھ مل کر کام کیا۔ رینجرز کے ایک عہدے دار نے بتایا کہہم نے سندھ پولیس کے ساتھ کوآرڈینیشن بڑھا کر شہر کے حساس علاقوں پر خصوصی نظر رکھی، جس سے کسی بھی غیر قانونی سرگرمی کو روکا جا سکا۔عید الفطر کے موقع پر سندھ پولیس کی کارکردگی نے ثابت کیا کہ بہتر منصوبہ بندی اور عوام کے تعاون سے کسی بھی بڑے اجتماع کے دوران امن و امان برقرار رکھنا ممکن ہے۔