عقیل کریم ڈھیڈھی کا آرمی چیف جنرل سید عاصم منیر کی والدہ محترمہ کے انتقال پر گہرے رنج و غم کا اظہار

کراچی( نمائندہ خصوصی)معروف صنعتکار عقیل کریم ڈھیڈھی نے پاک آرمی کے سربراہ جنرل سید عاصم منیر کی والدہ ماجدہ کی رحلت پر دلی رنج و الم کا اظہار کیا ہے۔ انہوں نے فوجی سربراہ اور ان کے سوگوار خاندان کے ساتھ مکمل ہمدردی اور تعزیت پیش کی عقیل کریم ڈھیڈھی نے اپنے پیغام میں کہا کہ جنرل عاصم منیر کی والدہ صاحبہ کی وفات پر ہمیں انتہائی دکھ ہوا۔ وہ ایک نیک اور باکردار خاتون تھیں جنہوں نے اپنے بیٹے کو ملک و قوم کی خدمت کے لیے وقف کرنے میں اہم کردار ادا کیا۔ اللہ تعالیٰ ان کی مغفرت فرمائے، ان کے درجات بلند کرے اور سوگوار خاندان کو صبرِ جمیل عطا فرمائے۔عقیل کریم ڈھیڈھی نے مرحومہ کے لیے بلندیِ درجات کی دعا کرتے ہوئے جنرل عاصم منیر اور ان کے خاندان کو صبر کی تلقین کی۔ انہوں نے کہا کہ *اللہ پاک مرحومہ کو جنت الفردوس میں اعلیٰ مقام عطا فرمائے اور ان کے پیچھے چھوڑے گئے لوگوں کو اس صدمے کو برداشت کرنے کی ہمت دے۔ آمین!