لاہور بڑی تباہی سے بچ گیا:سی ٹی ڈی کی کارروائی ۔کالعدم تنظیم کا ایک خود کش دہشت گرد گرفتار خود کش جیکٹ ، سیفٹی فیوز وائر اور بارودی مواد برآمد

لاہور ( کرائم رپورٹر)لاہور برکی روڈ کے قریب سی ٹی ڈی اور دہشت گردوں کے درمیان شدید فائرنگ کا تبادلہ ہوا ہے۔ ترجمان سی ٹی ڈی کے مطابق بلوچستان کے رہائشی حافظ شمس کا تعلق کالعدم تنظیم تحریک طالیان سے تھا۔ سی ٹی ڈی کی جانب سے جاری بیان میں بتایا گیا ہے ‘دہشت گرد لاہور پر بڑے حملے کی منصوبہ بندی مکمل کرچکے تھے۔ ان سے خود کش جیکٹ ، سیفٹی فیوز وائر اور بارودی مواد برآمد ہوا ہے۔ کارروائی میں کالعدم تنظیم کا ایک خود کش دہشت گرد گرفتار جبکہ اس کا ساتھی زخمی حالت میں فرار ہو گیا۔ سی ٹی ڈی نے مقدمہ درج کر کے مزید تفتیش شروع کر دی ہے اور علاقے میں سرچ آپریشن جاری ہے’