‏سفیر نجی دورے پر امریکا گئے، لاس اینجلس سے واپس بھیجا گیا،ترجمان دفتر خارجہ

اسلام آباد ( نمائندہ خصوصی)لاس اینجلس کے ایئرپورٹ سے ترکمانستان میں پاکستان کے سفیر احسن واگن کو واپس بھجوا دیا گیا ہےمعاملے کی مکمل جانچ پڑتال کی جارہی ہے،پاکستانی سفیر کو امریکا سے ڈی پورٹ کئے جانے پر دفتر خارجہ کا ردعمل امریکا کے شہر لاس اینجلس کے ایئرپورٹ سے ترکمانستان میں پاکستان کے سفیر احسن واگن کو واپس بھجوا دیا گیا ہے۔ترجمان دفترِ خارجہ نے احسن واگن کو امریکا میں داخلے سے روکنے کی تصدیق کی ہے۔ترجمان دفتر خارجہ کے مطابق پاکستانی سفیر نجی دورے پر سفر کر رہے تھے، یہ معاملہ وزارت خارجہ کی جانب سے تحقیقات کے مراحل میں ہے۔ترجمان دفتر خارجہ کے مطابق سفیر احسن وگن نجی دورے پر امریکا گئے تھے، تاہم انہیں امریکی شہر لاس اینجلس سے واپس بھیج دیا گیا۔ انہوں نے مزید کہا کہ معاملے کی مکمل جانچ پڑتال کی جارہی ہے اور وزارت خارجہ اس پر کام کر رہی ہے، اس لیے قیاس آرائیوں سے گریز کیا جائے۔