آپریشن سویفٹ ریٹارٹ کے پسِ پردہ اصل حقائق آشکار

اسلام آباد:(نمائندہ خصوصی)آپریشن سویفٹ ریٹارٹ کے پسِ پردہ اصل حقائق آشکار ہوگئے ہیں۔ پلوامہ ڈرامہ بھارتی حکومت اور بھارتی فضائیہ کی ناہلی اور بزدلانہ حرکت کا منہ بولتا ثبوت ہے جب کہ 27فروری 2019کو بھارتی دراندازی کا پاک فضائیہ نے تاریخ ساز دفاع کیا۔کشمیرمیڈیاسروس کے مطابق 26فروری کو بھارتی فضائیہ نے جعلی سر جیکل سٹرائیک کا ڈرامہ رچایا جسے پاکستان نے عالمی میڈیا کو موقع پر لے جا کر بے نقاب کیا۔26فروری 2019کو بھارت نے سرجیکل اسٹرائیک کے نام پر رات کے اندھیرے میں پاکستان کی فضائی حدود کی خلاف ورزی کی۔ نریندر مودی نے بذاتِ خود طیاروں کے بادلوں میں چھپ کر کارروائی کرنے کا مضحکہ خیز بیان دیا تھا۔ جوابی کارروائی میں پاک فضائیہ نے ایک بھارتی طیارہ مار گرایا اور وِنگ کمانڈر ابھی نندن کو قیدی بنایا۔ حقیقت کے اعتراف کی بجائے بھارت نے پاکستان کاایف 16طیارہ مار گرانے کا جھوٹا دعویٰ کیا۔بھارتی دعوے کو امریکی حکام، دفاعی تجزیہ کارکرسٹین فئیر اور غیر جانبدار بھارتی صحافیوں نے بھی مسترد کر دیا۔سینئر بھارتی صحافی اشوک سوائن نے11ستمبر2018کو ٹویٹر پر یہ دعوی کیا تھا کہ مودی پاکستان سے جنگ کا ڈرامہ رچا کر انتخابات میں کامیابی حاصل کرنا تھا۔امریکی صحافی کرسٹن فیئر نے واضح طورپر کہا تھا کہ وہ مکمل اعتماد کے ساتھ کہہ سکتی ہوں کہ کوئی ایف16 طیارے تباہ نہیں کیے گئے’ میں کہتی ہوں کہ کاش آپ ایف 16 مار گرائیں۔نیویارک ٹائمزکے مطابق جنگی جنون میں مبتلا بھارتی فضائیہ کے پائلٹ نے جلد بازی میں اپنا ہی ہیلی کاپٹر مارگرا دیا۔یہی نہیں بلکہ بھارت کے اپنے دفاعی ماہرین نے بھی بھارتی فضائیہ کا جھوٹا اور من گھڑت دعوی مسترد کر دیا۔سابق بھارتی جنرل سید عطا حسنین نے کہا کہ اگر کسی نے ہمیں انفارمیشن آپریشنز چلانے کا طریقہ سکھایا ہے تو وہ پاکستان کا آئی ایس پی آر ہے، پاکستان ماضی میں کئی بار بھارتی فالس فلیگ آپریشن کے منصوبوں کو بے نقاب کر چکا ہے۔16جنوری2021کو دی وائر کی رپورٹ میں بھارتی صحافی ارناب گوسوامی کی لیک واٹس ایپ چیٹ کے مطابق پلوامہ حملہ مودی سرکار کاسیاسی فائدہ حاصل کرنے کا ڈرامہ تھا، جنوری2022میں کانگریس رہنما ادت راج نے انکشاف کیا کہ پلوامہ حملے کی منصوبہ بندی مودی سرکار نے خود کی تھی۔14فروری2023کو بھی پاکستانی ایجنسیوں نے بھارت کا پلوامہ طرز پر حملہ کرنے کا منصوبہ بے نقاب کیا تھا۔