لاہور(نمائندہ خصوصی):سپریم کورٹ آف پاکستان کے سابق جج جسٹس ریٹائرڈ عظمت سعید شیخ لاہور میں انتقال کرگئے۔وہ کچھ عرصے سے علیل اورہسپتال میں زیر علاج تھے۔ان کے اہل خانہ کے مطابق وہ گردوں اور جگر کے عارضہ میں مبتلا تھے۔
جسٹس ریٹائرڈ شیخ عظمت سعید 54ڈی ڈیفنس میں رہائش پذیر تھے ۔عظمت سعید شیخ 2012سے 2019تک سپریم کورٹ میں بطور جج تعینات رہے، وہ سپریم کورٹ تعیناتی سے قبل لاہور ہائیکورٹ کے چیف جسٹس تھے۔
